حول الأطفال

أمهات كتيره بتسأل ليه بنتي و لا إبني جاله حول ؟

10 / 11

 

أمهات كتيره بتسأل ليه بنتي و لا إبني جاله حول الحقيقه إن سبب الحول ممكن جدا ميبقاش معروف من ضمن الأسباب الحراره المرتفعه ، الخبطات علي الرأس دي من الحاجات اللي ممكن تساعد علي ظهوره و الجزء الوراثي كمان و لكن لازم نأكد كما ذكرنا سالفا ان ده ملوش علاقه نهائيا بنوع العلاج زي نظاره او عمليه

٩-طيب يا دكتور إبني جاله حول أديله نظاره و لا أعمله عمليه ؟ القرار ده مش قرارك الطبيب المعالج بعد مايفحص إبنك بعد ما يحط قطره التوسيع حيقولك مثلا إبنك عنده طول نظر و محتاج نظاره أو حيقولك مفيش ضعف إبصار و محتاج عمليه علشان كده إحنا دايما بنقول إبنك هوا اللي حيحدد لينا حنعمله ايه حسب حالته و ذالك لأن بعض الأمهات تقول نظاره ماشي بس بلاش عمليه انا خايفه علي ابني من البنج و الجراحه و امهات تانين يقولوا لا نعمل عمليه و نخلص من الحول و مفيش نظاره و نستريح و الحقيقه العلاج مش علي مزاج الام و لا علي مزاج الدكتور طفلك هوا اللي بيحدد خطه العلاج 

١٠-طيب إبني لبس نظاره علشان الحول كفايه مثلا ٦ شهور و خلاص و لكن الامر مش كده الطفل الي بيلبس نظاره للحول بتقعد معاه تقريبا ٥ سنوات مع زيارات متابعه دوريه كل ٤ شهور علشان نتأكد ان مفيش حول و هوا لابس النظاره لان لو فيه حول و هوا لابس النظاره معناها انه حيحتاج عمليه